އަލްޢައްބާސް ބިން ޢަބްދުލްމުއްޠަލިބް (ރ.ޢ) ވިދާޅުވިއެވެ: "ތިމަން ދެންނެވީމެވެ: 'އޭ ﷲ ގެ ރަސޫލާ (ﷺ)! ﷲ ގެ ޙަޟްރަތުން މިއަޅާ އެދެންވީ ކަމެއް ދަސްކޮށްދެއްވާށެވެ.' އެކަލޭގެފާނު ޙަދީޘްކުރެއްވިއެވެ: 'ﷲ ގެ ޙަޟްރަތުން ޢާފިޔަތަށް (ދުނިޔެއާއި އާޚިރަތުގެ ބަލިމަޑުކަމާއި އުނދަގޫތަކުން ސަލާމަތްވުމަށް) އެދޭށެވެ.' ދެން އެއް ދުވަސް ވަަންދެން ތިމަން މަޑުކުރީމެވެ. ދެން އައިސް ދެންނެވީމެވެ: 'އޭ ﷲ ގެ ރަސޫލާ (ﷺ)! ﷲ ގެ ޙަޟްރަތުން މިއަޅާ އެދެންވީ ކަމެއް ދަސްކޮށްދެއްވާށެވެ.' އެހިނދު އެކަލޭގެފާނު ތިމަންނާއަށް ޙަދީޘްކުރެއްވިއެވެ: 'އޭ ޢައްބާސް! އޭ ﷲ ގެ ރަސޫލާގެ ބޮޑުބޭބޭފުޅެވެ! ދުނިޔެއާއި އާޚިރަތުގައި ޢާފިޔަތަށް އެދި ﷲ އަށް ދަންނަވާށެވެ.'" [١] އަބޫ ބަކުރުއްޞިއްދީޤު (ރ.ޢ) ރިވާކުރެއްވިއެވެ: ރަސޫލާ (ﷺ) މިންބަރުމަތީގައި (އިށީނދެވަޑައިގެން) ޙަދީޘްކުރެއްވިއެވެ: "ތިޔަބައިމީހުން ﷲ ގެ ޙަޟްރަތުން ފާފަ ފުއްސެވުމަށާއި ޝިފާއަށް އެދޭށެވެ. ފަހެ، ޔަޤީންކަމަށްފަހު ޝިފާއަށްވުރެ (ޢާފިޔަތަށްވުރެ) ވަކިން ހެޔޮ އެއްޗެއް އެއްވެސް މީހަކަށް ދެއްވިގެންނުވެއެވެ." [٢]

Reference: [1] ޞަޙީޙް (އަލްބާނީ). ތިރްމިޛީ: 3514 [2] ބުޚާރީ، އަލްއަދަބުލް މުފްރަދު، 724