പ്രവാചകൻ (ﷺ) ഉറക്കത്തിൽ നിന്നും എഴുന്നേൽക്കുകയും സൂറത്ത് ആലു ഇമ്രാനിലെ അവസാന റുകൂഅ് പാരായണം ചെയ്യുകയും ചെയ്യാറുണ്ടായിരുന്നു. [1]

إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ ﴿١٩٠﴾ الَّذِينَ يَذْكُرُونَ اللَّـهَ قِيَامًا وَقُعُودًا وَعَلَىٰ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَـٰذَا بَاطِلًا سُبْحَانَكَ فَقِنَا عَذَابَ النَّارِ ﴿١٩١﴾ رَبَّنَا إِنَّكَ مَن تُدْخِلِ النَّارَ فَقَدْ أَخْزَيْتَهُ ۖ وَمَا لِلظَّالِمِينَ مِنْ أَنصَارٍ ﴿١٩٢﴾ رَّبَّنَا إِنَّنَا سَمِعْنَا مُنَادِيًا يُنَادِي لِلْإِيمَانِ أَنْ آمِنُوا بِرَبِّكُمْ فَآمَنَّا ۚ رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الْأَبْرَارِ ﴿١٩٣﴾ رَبَّنَا وَآتِنَا مَا وَعَدتَّنَا عَلَىٰ رُسُلِكَ وَلَا تُخْزِنَا يَوْمَ الْقِيَامَةِ ۗ إِنَّكَ لَا تُخْلِفُ الْمِيعَادَ ﴿١٩٤﴾فَاسْتَجَابَ لَهُمْ رَبُّهُمْ أَنِّي لَا أُضِيعُ عَمَلَ عَامِلٍ مِّنكُم مِّن ذَكَرٍ أَوْ أُنثَىٰ ۖ بَعْضُكُم مِّن بَعْضٍ ۖ فَالَّذِينَ هَاجَرُوا وَأُخْرِجُوا مِن دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِن تَحْتِهَا الْأَنْهَارُ ثَوَابًا مِّنْ عِندِ اللَّـهِ ۗ وَاللَّـهُ عِندَهُ حُسْنُ الثَّوَابِ ﴿١٩٥﴾ لَا يَغُرَّنَّكَ تَقَلُّبُ الَّذِينَ كَفَرُوا فِي الْبِلَادِ ﴿١٩٦﴾ مَتَاعٌ قَلِيلٌ ثُمَّ مَأْوَاهُمْ جَهَنَّمُ ۚ وَبِئْسَ الْمِهَادُ ﴿١٩٧﴾ لَـٰكِنِ الَّذِينَ اتَّقَوْا رَبَّهُمْ لَهُمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا نُزُلًا مِّنْ عِندِ اللَّـهِ ۗ وَمَا عِندَ اللَّـهِ خَيْرٌ لِّلْأَبْرَارِ ﴿١٩٨﴾ وَإِنَّ مِنْ أَهْلِ الْكِتَابِ لَمَن يُؤْمِنُ بِاللَّـهِ وَمَا أُنزِلَ إِلَيْكُمْ وَمَا أُنزِلَ إِلَيْهِمْ خَاشِعِينَ لِلَّـهِ لَا يَشْتَرُونَ بِآيَاتِ اللَّـهِ ثَمَنًا قَلِيلًا ۗ أُولَـٰئِكَ لَهُمْ أَجْرُهُمْ عِندَ رَبِّهِمْ ۗ إِنَّ اللَّـهَ سَرِيعُ الْحِسَابِ ﴿١٩٩﴾ يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّـهَ لَعَلَّكُمْ تُفْلِحُونَ ﴿٢٠٠﴾

ഇന്ന ഫീ ഖൽഖിസ്-സമാവാതി വൽ-അർളി വഖ്തിലാഫിൽ-ലയ്‌ലി വൻ-നഹാരി ല-ആയാതിൽ-ലി-ഉലിൽ-അൽബാബ്. അല്ലദീന യദ്കുറൂനല്ലാഹ ഖിയാമൻ വാ ഖുഊദൻ വാ അലാ ജുനൂബിഹിം വാ യതഫക്കറൂന ഫീ ഖൽഖിസ്-സമാവാതി വൽ-അർളി റബ്ബനാ മാ ഖലഖ്ത ഹാദാ ബാത്വിലൻ സുബ്ഹാനക ഫഖിനാ അദാബൻ-നാർ. റബ്ബനാ ഇന്നക മൻ തുദ്ഖിലിൻ-നാറ ഫഖദ് അഖ്സയ്തഹൂ വാ മാ ലിദ്ദാലിമീന മിൻ അൻസാർ. റബ്ബനാ ഇന്നനാ സമിഅ്നാ മുനാദിയൻ യുനാദീ ലിൽ-ഈമാനി അൻ ആമിനൂ ബി-റബ്ബികും ഫ-ആമന്നാ; റബ്ബനാ ഫഗ്ഫിർ ലനാ ദുനൂബനാ വാ കഫ്ഫിർ അന്നാ സയ്യി-ആതിനാ വാ തവഫ്ഫനാ മഅൽ-അബ്റാർ. റബ്ബനാ വാ ആതിനാ മാ വഅദ്തനാ അലാ റുസുലിക വലാ തുഖ്സിനാ യൗമൽ-ഖിയാമഹ്; ഇന്നക ലാ തുഖ്ലിഫുൽ-മീആദ്. ഫസ്തജാബ ലഹും റബ്ബുഹും അന്നീ ലാ ഉദീഉ അമല ആമിലിം-മിൻകും മിൻ ദകരിൻ ഔ ഉൻസാ; ബഅ്ദുകും മിൻ ബഅ്ദ്; ഫല്ലദീന ഹാജറൂ വാ ഉഖ്‌രിജൂ മിൻ ദിയാരിഹിം വാ ഊദൂ ഫീ സബീലീ വാ ഖാതലൂ വാ ഖുതിലൂ ലഉകഫ്ഫിറന്ന അൻഹും സയ്യിആതിഹിം വലാഉദ്ഖിലന്നഹും ജന്നാതിൻ തജ്‌രീ മിൻ തഹ്തിഹൽ-അൻഹാർ; സവാബൻ മിൻ ഇൻദില്ലാഹ്; വല്ലാഹു ഇൻദഹൂ ഹുസ്നുസ്-സവാബ്. ലാ യഗുർറന്നക തഖല്ലുബുൽ-ലദീന കഫറൂ ഫിൽ-ബിലാദ്. മതാഉൻ ഖലീലുൻ സുംമ മഅ്വാഹും ജഹന്നമു വാ ബിഅ്സൽ-മിഹാദ്. ലാകിനിൽ-ലദീന-ത്തഖൗ റബ്ബഹും ലഹും ജന്നാതുൻ തജ്‌രീ മിൻ തഹ്തിഹൽ-അൻഹാറു ഖാലിദീന ഫീഹാ നുസുലൻ മിൻ ഇൻദില്ലാഹ്; വാ മാ ഇൻദല്ലാഹി ഖൈറുൽ-ലിൽ-അബ്റാർ. വാ ഇന്ന മിൻ അഹ്ലിൽ-കിതാബി ലമൻ യുഅ്മിനു ബില്ലാഹി വാ മാ ഉൻസില ഇലയ്ക്കും വാ മാ ഉൻസില ഇലയ്ഹിം ഖാശിഈന ലില്ലാഹി ലാ യശ്തറൂന ബിആയാതില്ലാഹി സമനൻ ഖലീലാ; ഉലാഇക ലഹും അജ്റുഹും ഇൻദ റബ്ബിഹിം; ഇന്നല്ലാഹ സരീഉൽ-ഹിസാബ്. യാ അയ്യിഹൽ-ലദീന ആമനുസ്-ബിറൂ വാ സാബിറൂ വാ റാബിത്വൂ വത്തഖുല്ലാഹ ലഅല്ലക്കും തുഫ്ലിഹൂൻ.

(190) തീർച്ചയായും ആകാശങ്ങളുടെയും ഭൂമിയുടെയും സൃഷ്ടിയിലും, രാപ്പകലുകൾ മാറുന്നതിലും ബുദ്ധിമാന്മാർക്ക് ദൃഷ്ടാന്തങ്ങളുണ്ട്. (191) നിന്നുകൊണ്ടും ഇരുന്നുകൊണ്ടും കിടന്നുകൊണ്ടും അല്ലാഹുവെ സ്മരിക്കുകയും, ആകാശ ഭൂമികളുടെ സൃഷ്ടിപ്പിനെപ്പറ്റി ചിന്തിച്ചുകൊണ്ടിരിക്കുകയും ചെയ്യുന്നവരാണവർ (അവർ പറയും) "ഞങ്ങളുടെ നാഥാ, നീ ഇതൊന്നും വൃഥാ സൃഷ്ടിച്ചതല്ല, നീ എത്ര പരിശുദ്ധൻ; അതിനാൽ നരകശിക്ഷയിൽ നിന്ന് ഞങ്ങളെ നീ കാത്തുരക്ഷിക്കേണമേ. (192) ഞങ്ങളുടെ രക്ഷിതാവേ, നീ ആരെ നരകത്തിൽ പ്രവേശിപ്പിക്കുന്നുവോ അവനെ നീ നിന്ദ്യനാക്കി; അക്രമികൾക്ക് സഹായികളായി ആരുമുണ്ടാകില്ല. (193) ഞങ്ങളുടെ രക്ഷിതാവേ, സത്യവിശ്വാസത്തിലേക്ക് വിളിക്കുന്ന ഒരു പ്രബോധകൻ, 'നിങ്ങളുടെ രക്ഷിതാവിൽ നിങ്ങൾ വിശ്വസിക്കുവിൻ' എന്ന് വിളിച്ചുപറയുന്നത് ഞങ്ങൾ കേട്ടു, ഞങ്ങൾ വിശ്വസിച്ചിരിക്കുന്നു. അതിനാൽ ഞങ്ങളുടെ നാഥാ, ഞങ്ങളുടെ പാപങ്ങൾ ഞങ്ങൾക്കു നീ പൊറുത്തുതരികയും ഞങ്ങളുടെ തിന്മകൾ ഞങ്ങളിൽ നിന്ന് നീ മായ്ച്ചുകളയുകയും ചെയ്യേണമേ, പുണ്യവാന്മാരുടെ കൂട്ടത്തിലായി ഞങ്ങളെ നീ മരിപ്പിക്കേണമേ. (194) ഞങ്ങളുടെ രക്ഷിതാവേ, നിൻ്റെ ദൂതന്മാർ മുഖേന ഞങ്ങൾക്ക് നീ വാഗ്ദാനം ചെയ്തത് ഞങ്ങൾക്ക് നീ നൽകേണമേ, അന്ത്യനാളിൽ ഞങ്ങളെ നീ വഷളാക്കരുതേ. തീർച്ചയായും നീ നിൻ്റെ വാഗ്ദാനം ലംഘിക്കുന്നവനല്ല." (195) അപ്പോൾ തങ്ങളുടെ രക്ഷിതാവ് അവർക്ക് ഉത്തരം നൽകി, "പുരുഷനാകട്ടെ സ്ത്രീയേയാകട്ടെ നിങ്ങളിൽ നിന്നും പ്രവർത്തിക്കുന്ന ഒരാളുടെ കർമ്മവും ഞാൻ തീർച്ചയായും പാഴാക്കിക്കളയില്ല; നിങ്ങളെല്ലാവരും ഒരേ വർഗ്ഗത്തിലുള്ളവരാണല്ലോ. അതിനാൽ സ്വദേശം വെടിയുകയും, സ്വന്തം വീടുകളിൽ നിന്ന് പുറത്താക്കപ്പെടുകയും, എൻ്റെ മാർഗ്ഗത്തിൽ മർദ്ദിക്കപ്പെടുകയും, യുദ്ധം ചെയ്യുകയും വധിക്കപ്പെടുകയും ചെയ്തവരുണ്ടല്ലോ - അവരുടെ തിന്മകൾ അവരിൽ നിന്ന് ഞാൻ നീക്കിക്കളയുകയും, താഴ്ഭാഗത്തുകൂടി അരുവികൾ ഒഴുകുന്ന സ്വർഗ്ഗത്തോപ്പുകളിൽ അവരെ ഞാൻ പ്രവേശിപ്പിക്കുകയും ചെയ്യുന്നതാണ്, അല്ലാഹുവിങ്കൽ നിന്നുള്ള പ്രതിഫലമാണത്, അല്ലാഹുവിൻ്റെ അടുക്കലാണ് ഏറ്റവും നല്ല പ്രതിഫലമുള്ളത്." (196) സത്യനിഷേധികൾ നഗരങ്ങളിൽ സ്വതന്ത്രരായി വിഹരിക്കുന്നത് നിന്നെ വഞ്ചിതനാക്കാതിരിക്കട്ടെ. (197) അതൊരു ചെറിയ സുഖം മാത്രമാണ്; പിന്നീട് അവരുടെ (അവസാനത്തെ) വാസസ്ഥലം നരകമാണ്, അതു വളരെ മോശമായ കിടപ്പിടം തന്നെ. (198) എന്നാൽ തങ്ങളുടെ രക്ഷിതാവിനെ ഭയന്നവരുണ്ടല്ലോ, അവർക്ക് താഴ്ഭാഗത്തുകൂടി അരുവികൾ ഒഴുകുന്ന സ്വർഗ്ഗത്തോപ്പുകളുണ്ട്, അതിൽ അവർ നിത്യവാസികളായിരിക്കും; അല്ലാഹുവിങ്കൽ നിന്നുള്ള വിരുന്നാണത്. പുണ്യവാന്മാർക്ക് അല്ലാഹുവിൻ്റെയടുക്കലുള്ളതാണ് ഏറ്റവും ഉത്തമമായത്. (199) തീർച്ചയായും വേദക്കാരിൽ തന്നെ അല്ലാഹുവിലും, നിങ്ങൾക്ക് അവതരിപ്പിക്കപ്പെട്ടതിലും അവർക്ക് അവതരിപ്പിക്കപ്പെട്ടതിലും അല്ലാഹുവോട് പൂർണ്ണമായി കീഴ്‌പ്പെട്ടുകൊണ്ട് വിശ്വസിക്കുന്ന ചിലരുണ്ട്. അല്ലാഹുവിൻ്റെ വചനങ്ങളെ തുച്ഛമായ വിലയ്ക്ക് അവർ വിൽക്കുകയുമില്ല. അത്തരക്കാർക്ക് അവർ അർഹിക്കുന്ന പ്രതിഫലം അല്ലാഹുവിങ്കലുണ്ട്. തീർച്ചയായും അല്ലാഹു വളരെ വേഗം കണക്ക് തീർക്കുന്നവനാകുന്നു. (200) ഓ സത്യവിശ്വാസികളേ, നിങ്ങൾ ക്ഷമിക്കുകയും, ക്ഷമയിൽ മികവ് കാണിക്കുകയും, പ്രതിരോധ സജ്ജരായിരിക്കുകയും അല്ലാഹുവെ ഭയപ്പെടുകയും ചെയ്യുക, നിങ്ങൾക്ക് വിജയികളാകാം. (സൂറത്ത് ആലു ഇംറാൻ 3:190-200) മറ്റൊരു നിവേദനത്തിൽ, നബി (ﷺ) ഉറക്കത്തിൽ നിന്നും എഴുന്നേൽക്കുകയും ആകാശത്തേക്ക് നോക്കി സൂറത്ത് ആലു ഇമ്രാനിലെ അവസാന റുകൂഇലെ ആദ്യത്തെ അഞ്ച് വചനങ്ങൾ പാരായണം ചെയ്യുകയും ചെയ്യാറുണ്ടായിരുന്നു. [2]

Reference: [1] ബുഖാരി: 992 [2] സ്വഹീഹ്. നസാഇ: 1626