അല്ലാഹുവിൻ്റെ ദൂതൻ (ﷺ) പറഞ്ഞു, "ഒരു അടിമ പാപം ചെയ്താൽ, ശേഷം കൃത്യമായി വുദൂ ചെയ്യുകയും, രണ്ട് റക്അത്ത് നമസ്കരിച്ച് അല്ലാഹുവിനോട് പാപമോചനം തേടുകയും ചെയ്താൽ, അല്ലാഹു തീർച്ചയായും അവന് പൊറുത്തുകൊടുക്കുന്നതാണ്." പിന്നീട് അദ്ദേഹം ഈ സൂക്തം പാരായണം ചെയ്തു –

وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ ﴿١٣٥﴾ أُولَٰئِكَ جَزَاؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ وَنِعْمَ أَجْرُ الْعَامِلِينَ ﴿١٣٦﴾

വല്ലദീന ഇദാ ഫഅലൂ ഫാഹിശതൻ ഔ ളലമൂ അൻഫുസഹും ദകറുല്ലാഹ ഫസ്തഗ്ഫറൂ ലിദുനൂബിഹിം വാ മൻ യഗ്ഫിറുദ്-ദുനൂബ ഇല്ലല്ലാഹു വാ ലം യുസിർറൂ അലാ മാ ഫഅലൂ വാ ഹും യഅ്ലമൂൻ. ഉലാഇക ജസാഉഹും മഗ്ഫിറതും-മിർ-റബ്ബിഹിം വാ ജന്നാതുൻ തജ്‌രീ മിൻ തഹ്തിഹൽ-അൻഹാറു ഖാലിദീന ഫീഹാ; വാ നിഅ്മ അജ്റുൽ-ആമിലീൻ.

(135) വല്ല നീചകൃത്യവും പ്രവർത്തിക്കുകയോ, സ്വന്തത്തോട് തന്നെ അക്രമം ചെയ്യുകയോ ചെയ്താൽ അല്ലാഹുവെ ഓർക്കുകയും തങ്ങളുടെ പാപങ്ങൾക്ക് മാപ്പുതേടുകയും ചെയ്യുന്നവരാണവർ - പാപങ്ങൾ പൊറുക്കാൻ അല്ലാഹുവല്ലാതെ ആരാണുള്ളത്? - തങ്ങൾ ചെയ്ത തെറ്റുകളിൽ അറിഞ്ഞുകൊണ്ട് ഉറച്ചുനിൽക്കാത്തവരുമാണവർ. (136) അത്തരക്കാർക്കുള്ള പ്രതിഫലം തങ്ങളുടെ രക്ഷിതാവിങ്കൽ നിന്നുള്ള പാപമോചനവും, താഴ്ഭാഗത്തുകൂടി അരുവികൾ ഒഴുകുന്ന സ്വർഗ്ഗത്തോപ്പുകളുമാണ്, അവരതിൽ നിത്യവാസികളായിരിക്കും; സൽകർമ്മങ്ങൾ ചെയ്യുന്നവർക്കുള്ള പ്രതിഫലം എത്ര നന്നായിരിക്കുന്നു. (സൂറത്ത് ആലു ഇംറാൻ 3:135-136)

Reference: സ്വഹീഹ് (അൽബാനി). അബൂ ദാവൂദ്: ൧൫൨൧