اَللَّهُمَّ مٰلِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ رَحْمَانُ الدُّنْيَا وَالْآخِرَةِ وَرَحِيْمَهُمَا تُعْطِيْهِمَا مَنْ تَشَاءُ وَتَمْنَعُ مِنْهُمَا مَنْ تَشَاءُ ارْحَمْنِيْ رَحْمَةً تُغْنِيْنِيْ بِهَا عَنْ رَحْمَةِ مَنْ سِوَاكَ

އޭ ﷲ! ވެރިކަމުގެ މިލްކުވެރި ރަސްކަލާނކޮ! އިބަރަސްކަލާނގެ އިރާދަކުރައްވާ މީހަކަށް ވެރިކަން ދެއްވަމުއެވެ. އަދި އިބަރަސްކަލާނގެ އިރާދަކުރައްވާ މީހެއްގެ ކިބައިން ވެރިކަން ވަކިކުރައްވަމުއެވެ. އަދި އިބަރަސްކަލާނގެ އިރާދަކުރައްވާ މީހަކު މަތިވެރިކުރައްވަމުއެވެ. އަދި އިބަރަސްކަލާނގެ އިރާދަކުރައްވާ މީހަކު ނިކަމެތިކުރައްވަމުއެވެ. އެންމެހާ ހެޔޮކަން ވަނީ އިބަރަސްކަލާނގެ ޔަދުޤުދުރަތުގައެވެ. ހަމަކަށަވަރުން އިބަރަސްކަލާނގެއީ ކޮންމެ ކަމެއްގެ މައްޗަށް ކުޅަދުންވަންތަ ރަސްކަލާނގެއެވެ. ދުނިޔެއާއި އާޚިރަތުގެ ރަޙްމާންވަންތަ އަދި ރަޙީމްވަންތަ ރަސްކަލާނކޮ! އިބަރަސްކަލާނގެ އިރާދަކުރައްވާ މީހަކަށް އެ ދެދުނިޔޭގެ ރަޙްމަތް ދެއްވަމުއެވެ. އަދި އިބަރަސްކަލާނގެ އިރާދަކުރައްވާ މީހަކަށް އެ ނުދެއްވައި ހިފަހައްޓަވަމުއެވެ. އިބަރަސްކަލާނގެ ފިޔަވައި އެހެން ފަރާތެއްގެ ރަޙްމަތަށް ބޭނުން ނުވާނޭ ފަދަ ރަޙްމަތެއް މިއަޅާއަށް ލައްވާނދޭވެ!

Reference: ޙަސަން (އަލްބާނީ). ޞަޙީޙުއް ތަރްޣީބް: 1821