ആയിശ (റ) വിൽ നിന്ന് നിവേദനം, അല്ലാഹുവിൻ്റെ റസൂൽ (ﷺ) ഈ വാക്കുകൾ കൊണ്ട് പ്രാർത്ഥിക്കാറുണ്ടായിരുന്നു:

اَللَّهُمَّ إِنِّي أَعُوْذُ بِكَ مِنْ فِتْنَةِ النَّارِ وَعَذَابِ النَّارِ، وَفِتْنَةِ الْقَبْرِ، وَعَذَابِ الْقَبْرِ، وَشَرِّ فِتْنَةِ الْغِنَى، وَشَرِّ فِتْنَةِ الْفَقْرِ، اَللَّهُمَّ إِنِّي أَعُوْذُ بِكَ مِنْ فِتْنَةِ الْمَسِيحِ الدَّجَّالِ، اَللَّهُمَّ اغْسِلْ قَلْبِي بِمَاءِ الثَّلْجِ وَالْبَرَدِ، وَنَقِّ قَلْبِي مِنَ الْخَطَايَا كَمَا نَقَّيْتَ الثَّوْبَ الْأَبْيَضَ مِنَ الدَّنَسِ، وَبَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ. اَللَّهُمَّ إِنِّي أَعُوْذُ بِكَ مِنَ الْكَسَلِ وَالْهَرَمِ وَالْمَأْثَمِ وَالْمَغْرَمِ

അല്ലാഹുമ്മ ഇന്നീ അഊദുബിക മിൻ ഫിത്നതിന്നാർ, വ അദാബിന്നാർ, വ ഫിത്നതിൽ ഖബ്ർ, വ അദാബിൽ ഖബ്ർ, വ ശർറി ഫിത്നതിൽ ഗിനാ, വ ശർറി ഫിത്നതിൽ ഫഖ്ർ, അല്ലാഹുമ്മ ഇന്നീ അഊദുബിക മിൻ ഫിത്നതിൽ മസീഹിദ്ദജ്ജാൽ. അല്ലാഹുമ്മഗ്‌സിൽ ഖൽബീ ബി മാഇസ്സൽജി വൽബറദ്, വനഖി ഖൽബീ മിനൽ ഖതായാ കമാ നഖയ്തസ്സൗബൽ അബ്യദ മിനദ്ദനസ്, വ ബാഇദ് ബയനീ വബയനാ ഖതായായ കമാ ബാഅദ്ത ബയനൽ മശ്‌രിഖി വൽ മഗ്‌രിബ്, അല്ലാഹുമ്മ ഇന്നീ അഊദുബിക മിനൽ കസലി വൽ ഹറമി വൽ മഅ്സമി വൽ മഗ്റം

അല്ലാഹുവേ, നരകത്തിലെ പരീക്ഷണങ്ങളിൽ നിന്നും, നരകശിക്ഷയിൽ നിന്നും, ഖബ്റിലെ പരീക്ഷണങ്ങളിൽ നിന്നും, ഖബർ ശിക്ഷയിൽ നിന്നും, സമ്പത്തിൻ്റെ പരീക്ഷണങ്ങളിലെ തിന്മകളിൽ നിന്നും, ദാരിദ്ര്യത്തിൻ്റെ പരീക്ഷണങ്ങളിലെ തിന്മകളിൽ നിന്നും, ദജ്ജാലിൻ്റെ പരീക്ഷണങ്ങളിലെ തിന്മകളിൽ നിന്നും ഞാൻ നിന്നോട് അഭയം തേടുന്നു. അല്ലാഹുവേ, മഞ്ഞും ആലിപ്പഴവും കലർന്ന വെള്ളം കൊണ്ട് എൻ്റെ പാപങ്ങളെ നീ കഴുകിക്കളയേണമേ, വെളുത്ത വസ്ത്രം അഴുക്കിൽ നിന്ന് വൃത്തിയാക്കുന്നതുപോലെ എൻ്റെ ഹൃദയത്തെ പാപങ്ങളിൽ നിന്ന് നീ ശുദ്ധിയാക്കേണമേ, കിഴക്കും പടിഞ്ഞാറും തമ്മിൽ നീ അകറ്റിയതുപോലെ ഞാനും എൻ്റെ പാപങ്ങളും തമ്മിൽ നീ അകറ്റേണമേ. അല്ലാഹുവേ, അലസത, വാർദ്ധക്യസഹജമായ ബുദ്ധിമുട്ടുകൾ, പാപങ്ങൾ, കടബാധ്യതകൾ എന്നിവയിൽ നിന്ന് ഞാൻ നിന്നോട് അഭയം തേടുന്നു.

Reference: സ്വഹീഹ്. തിർമിദി: 3495