ރަސޫލުﷲ (ﷺ) ނިދިކުރައްވަން އޮށޯންނަވާއިރު މި ދުޢާ ކިޔުމަށް އިރުޝާދު ދެއްވިއެވެ:

اَللَّهُمَّ رَبَّ السَّمَوَاتِ السَّبْعِ وَرَبَّ الْأَرْضِ، وَرَبَّ الْعَرْشِ الْعَظِيمِ، رَبَّنَا وَرَبَّ كُلِّ شَيْءٍ، فَالِقَ الْحَبِّ وَالنَّوَى، وَمُنْزِلَ التَّوْرَاةِ وَالْإِنْجِيلِ، وَالْفُرْقَانِ، أَعُوْذُ بِكَ مِنْ شَرِّ كُلِّ شَيْءٍ أَنْتَ آخِذٌ بِنَاصِيَتِهِ اَللَّهُمَّ أَنْتَ الْأَوَّلُ فَلَيْسَ قَبْلَكَ شَيْءٌ، وَأَنْتَ الْآخِرُ فَلَيسَ بَعْدَكَ شَيْءٌ، وَأَنْتَ الظَّاهِرُ فَلَيْسَ فَوْقَكَ شَيْءٌ، وَأَنْتَ الْبَاطِنُ فَلَيْسَ دُونَكَ شَيْءٌ، اِقْضِ عَنَّا الدَّيْنَ وَأَغْنِنَا مِنَ الْفَقْرِ

އޭ ﷲ! ހަތް އުޑުގެ ވެރިރަސްކަލާނކޮ! އަދި ބިމުގެ ވެރިރަސްކަލާނކޮ! އަދި މަތިވެރި ޢަރުޝީގެ ވެރިރަސްކަލާނކޮ! އަޅަމެންގެ ވެރިރަސްކަލާނކޮ! އަދި ކޮންމެ އެއްޗެއްގެ ވެރިރަސްކަލާނކޮ! އޮށާއި، ކަދު ފަޅުއްވައި (އިންދަވާ) ރަސްކަލާނކޮ! ތައުރާތާއި، އިންޖީލާއި، ފުރުޤާން (ޤުރްއާން) ބާވައިލެއްވި ރަސްކަލާނކޮ! އިބަރަސްކަލާނގެ އެ އެއްޗެއްގެ ނިތްކުރީގައި ހިއްޕަވާ (އެބަހީ: ބާރުފޯރުވާ) ކޮންމެ އެއްޗެއްގެ ނުބައިކަމުން ރައްކާތެރިކޮށްދެއްވުން އެދި މިއަޅާ އިބަރަސްކަލާނގެ ޙަޟްރަތުން ދަންނަވަމެވެ. އޭ ﷲ! އިބަރަސްކަލާނގެއީ އެންމެ ފުރަތަމައެވެ. ފަހެ، އިބަރަސްކަލާނގެއަށްވުރެ ކުރިން އެއްވެސް އެއްޗެއް ނުވެއެވެ. އަދި އިބަރަސްކަލާނގެއީ އެންމެ ފަހެވެ. ފަހެ، އިބަރަސްކަލާނގެއަށްފަހު އެއްވެސް އެއްޗެއް ނުވެއެވެ. އަދި އިބަރަސްކަލާނގެއީ އެންމެ ފާޅުވެވޮޑިގެންވާ ރަސްކަލާނގެއެވެ. ފަހެ، އިބަރަސްކަލާނގެ ފަރާތްޕުޅަށްވުރެ މަތީގައި އެއްވެސް އެއްޗެއް ނުވެއެވެ. އަދި އިބަރަސްކަލާނގެއީ އެންމެ ވަންހަނާވެވޮޑިގެންވާ ރަސްކަލާނގެއެވެ. ފަހެ، އިބަރަސްކަލާނގެ ފަރާތްޕުޅަށްވުރެ ކައިރީގައި އެއްވެސް އެއްޗެއް ނުވެއެވެ. މިއަޅާގެ ފަރާތުން ދަރަނި އަދާކޮށްދެއްވާނދޭވެ! އަދި މިއަޅާ ފަޤީރުކަމުން މުއްސަނދިކޮށްދެއްވާނދޭވެ!

Reference: މުސްލިމް: ٢٧١٣، ޞަޙީޙް. ތިރްމިޒީ: ٣٤٨١