إِنَّا لِلَّهِ وَإِنَّا إِلَيْهِ رَاجِعُونَ، اَللَّهُمَّ أْجُرْنِيْ فِي مُصِيْبَتِيْ وَأَخْلِفْ لِي خَيْرًا مِنْهَا

ഇന്നാ ലില്ലാഹി വ ഇന്നാ ഇലൈഹി റാജിഊൻ, അല്ലാഹുമ്മ അജുർനീ ഫീ മുസീബത്തീ വ അഖ്ലിഫ് ലീ ഖൈറൻ മിൻഹാ

തീർച്ചയായും നമ്മൾ അല്ലാഹുവിനുള്ളതാണ്, അവനിലേക്ക് തന്നെയാണ് നമ്മുടെ മടക്കവും. അല്ലാഹുവേ, എൻ്റെ ഈ വിപത്തിൽ എനിക്ക് നീ പ്രതിഫലം നൽകുകയും, ഇതിന് പകരം ഇതിനേക്കാൾ ഉത്തമമായത് എനിക്ക് നൽകുകയും ചെയ്യേണമേ. ഉമ്മു സലമ (റ) നിവേദനം ചെയ്യുന്നു, അല്ലാഹുവിൻ്റെ റസൂൽ (ﷺ) പറഞ്ഞു: ഏതൊരു മുസ്ലിമിനും എന്തെങ്കിലും വിപത്ത് ഭവിക്കുമ്പോൾ അല്ലാഹു കൽപ്പിച്ചതുപോലെ ഇപ്രകാരം പറഞ്ഞാൽ, "ഇന്നാ ലില്ലാഹി വഇന്നാ ഇലൈഹി റാജിഊൻ. അല്ലാഹുമ്മ അജുർനീ ഫീ മുസീബത്തീ വ അഖ്ലിഫ് ലീ ഖൈറൻ മിൻഹാ", അവൻ്റെ വിപത്തിന് പകരം അല്ലാഹു അതിനേക്കാൾ ഉത്തമമായത് അവന് തിരികെ നൽകും. അബൂ സലമ (റ) മരണപ്പെട്ടപ്പോൾ ഞാനാലോചിച്ചു: അല്ലാഹുവിൻ്റെ ദൂതനിലേക്ക് (ﷺ) ആദ്യം പലായനം ചെയ്ത കുടുംബമായ അബൂ സലമയെക്കാൾ ഉത്തമനായ ഒരു മുസ്ലിം വേറെയാരുണ്ട്? പിന്നീട് ഞാൻ ഈ വാക്കുകൾ പറഞ്ഞു, അപ്പോൾ അതിന് പകരമായി അല്ലാഹുവിൻ്റെ റസൂലിനെ (ﷺ) തന്നെ അല്ലാഹു എനിക്ക് ഇണയായി നൽകി.

Reference: മുസ്‌ലിം: 918