አንድ ሰው እየሰገደ ነበር። ሩኩዕ፣ ሱጁድ አደረገ እና ከተሻሁድ በኋላ ዱዓ አደረገ -

اَللَّهُمَّ إِنِّي أَسْأَلُكَ بِأَنَّ لَكَ الْحَمْدُ لَا إِلَهَ إِلَّا أَنْتَ الْمَنَّانُ بَدِيعُ السَّمَاوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّوْمُ

አላሁመ ኢኒ አሰአሉከ ቢ-አነ ለከል-ሀምዱ፣ ላ ኢላሀ ኢላ አንተል-መናኑ በዲኡስ-ሰማዋቲ ወል-አርዲ፣ ያ ዘል-ጀላሊ ወል-ኢክራም! ያ ሀዩ ያ ቀዩም

አላህ ሆይ፣ እጠይቅሃለሁ፣ ምስጋና ለአንተ ይገባልና፤ ከአንተ በስተቀር ሌላ አምላክ የለም፤ ጸጋን እና ደግነትን ለጋሽ፣ የሰማያት እና የምድር ፈጣሪ፣ የክብር እና የልዕልና ጌታ ሆይ፣ ህያው የሆንክ ሆይ፣ ራስህን የቻልክ ሆይ። ነቢዩ (ሶ.ዐ.ወ) እንዲህ አሉ፡- «ምን ብሎ እንደጸለየ (ዱዓ እንዳደረገ) ታውቃላችሁን?» እነርሱም፡- «አላህ እና መልእክተኛው ያውቃሉ» አሉ። እሳቸውም እንዲህ አሉ፡- «ነፍሴ በእጁ በሆነችው እምላለሁ፣ አላህን በታላቁ ስሙ ጠርቶታል፤ በዚህ (ስም) በተጠራ ጊዜ ይመልሳል፤ በዚህም ሲጠየቅ ይሰጣል።»

Reference: ሰሂህ (አልባኒ)። አቡ ዳውድ፡ ፲፬፻፺፭