يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ ۚ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّـهَ غَفُورٌ رَّحِيمٌ ﴿١٤﴾ إِنَّمَا أَمْوَالُكُمْ وَأَوْلَادُكُمْ فِتْنَةٌ ۚ وَاللَّـهُ عِندَهُ أَجْرٌ عَظِيمٌ ﴿١٥﴾ فَاتَّقُوا اللَّـهَ مَا اسْتَطَعْتُمْ وَاسْمَعُوا وَأَطِيعُوا وَأَنفِقُوا خَيْرًا لِّأَنفُسِكُمْ ۗ وَمَن يُوقَ شُحَّ نَفْسِهِ فَأُولَـٰئِكَ هُمُ الْمُفْلِحُونَ ﴿١٦﴾

ޔާ އައްޔުހައްލަޛީނަ އާމަނޫ އިންނަ...

(١٤) އޭ އީމާންވެއްޖެ މީސްތަކުންނޭވެ! ހަމަކަށަވަރުން ތިޔަބައިމީހުންގެ އަނބިންނާއި ދަރިންގެ ތެރެއިން، ތިޔަބައިމީހުންނަށް ޢަދާވާތްތެރިން ވެއެވެ. ފަހެ، އެމީހުންނާމެދު ތިޔަބައިމީހުން ރައްކާތެރިވެ ތިބޭށެވެ! އަދި ތިޔަބައިމީހުން ޢަފޫކޮށް، މޫނުކަނޑާލައި، އަދި ފާފަ ފުއްސައިދޭނަމަ (ދަންނާށެވެ!) ފަހެ، ހަމަކަށަވަރުން ﷲ އީ، ގިނަގިނައިން ފާފަފުއްސަވާ، ރަޙީމްވަންތަ ރަސްކަލާނގެއެވެ. (١٥) ހަމަކަށަވަރުން ތިޔަބައިމީހުންގެ މުދާތަކާއި، ތިޔަބައިމީހުންގެ ދަރިންނަކީ އިމްތިޙާނެކެވެ. އަދި ބޮޑުވެގެންވާ ދަރުމަ ވަނީ ﷲ ގެ ޙަޟްރަތުގައެވެ. (١٦) ފަހެ، ތިޔަބައިމީހުންނަށް ކުޅަދާނަވީ ވަރަކުން ﷲ އަށް ތަޤްވާވެރިވާށެވެ! އަދި ތިޔަބައިމީހުން އަހާށެވެ! އަދި ކިޔަމަންވާށެވެ! އަދި ތިޔަބައިމީހުންގެ އަމިއްލަ ނަފްސުތަކަށް ހެޔޮކަން ބޮޑުވެގެންވާ ގޮތުގައި، ތިޔަބައިމީހުން (މުދާ) ހޭދަކުރާށެވެ! އަދި އެމީހެއްގެ ނަފްސުގެ ދަހިވެތިކަމުން މިންޖުކުރެއްވި މީހާ (ދަންނާށެވެ!) ފަހެ، އެއުރެންނަކީ ހަމަ ދިންނަވާނެ މީހުންނެވެ.

Reference: ސޫރަތުއް ތަޣާބުން 64: 14-16