رَبَّنَا مَا خَلَقْتَ هَـٰذَا بَاطِلًا سُبْحَانَكَ فَقِنَا عَذَابَ النَّارِ ﴿١٩١﴾ رَبَّنَا إِنَّكَ مَن تُدْخِلِ النَّارَ فَقَدْ أَخْزَيْتَهُ ۖ وَمَا لِلظَّالِمِينَ مِنْ أَنصَارٍ ﴿١٩٢﴾ رَّبَّنَا إِنَّنَا سَمِعْنَا مُنَادِيًا يُنَادِي لِلْإِيمَانِ أَنْ آمِنُوا بِرَبِّكُمْ فَآمَنَّا ۚ رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الْأَبْرَارِ ﴿١٩٣﴾ رَبَّنَا وَآتِنَا مَا وَعَدتَّنَا عَلَىٰ رُسُلِكَ وَلَا تُخْزِنَا يَوْمَ الْقِيَامَةِ ۗ إِنَّكَ لَا تُخْلِفُ الْمِيعَادَ ﴿١٩٤﴾

ރައްބަނާ މާ ޚަލަޤްތަ ހާޛާ ބާޠިލަން...

(١٩١) އަޅަމެންގެ ވެރި ރަސްކަލާކޯއެވެ! އިބަރަސްކަލާނގެ މިތަކެތި ހެއްދެވީ ބާޠިލް ގޮތުގައެއް ނޫނެވެ. އިބަރަސްކަލާނގެ ހުސްޠާހިރުވަންތަކަމާއެވެ! ފަހެ، ނަރަކައިގެ ޢަޛާބުން އަޅަމެން ސަލާމަތްކުރައްވާނދޭވެ! (١٩٢) އަޅަމެންގެ ވެރި ރަސްކަލާކޯއެވެ! ހަމަކަށަވަރުން އިބަރަސްކަލާނގެ ނަރަކައަށް ވައްދަވައިފި މީހާ، (ދަންނާށެވެ!) ފަހެ، އިބަރަސްކަލާނގެ އެމީހާ ނިކަމެތި ކުރައްވައިފިކަން ކަށަވަރެވެ. އަދި އަނިޔާވެރިންނަށް ނަޞްރުދޭނެ އެއްވެސް ބަޔަކު ނުވެއެވެ. (١٩٣) އަޅަމެންގެ ވެރި ރަސްކަލާކޯއެވެ! ހަމަކަށަވަރުން އީމާންކަމަށް ގޮވާލާ މީހަކު؛ ތިޔަބައިމީހުންގެ ވެރިރަސްކަލާނގެއަށް އީމާންވާށޭ ކިޔައި ގޮވާލާ އަޑު އަޅަމެން އެހީމުއެވެ. ދެން އަޅަމެން އީމާންވެއްޖައީމުއެވެ. އަޅަމެންގެ ވެރި ރަސްކަލާކޯއެވެ! ފަހެ، އަޅަމެންނަށް އަޅަމެންގެ ފާފަތައް ފުއްސަވާނދޭވެ! އަދި އަޅަމެންގެ ކިބައިން، އަޅަމެންގެ ނުބައިކަންތައްތައް ފުއްސަވާނދޭވެ! އަދި ހެޔޮލަފާ މީހުންނާ އެކުގައި، އަޅަމެން މަރުގަންނަވާނދޭވެ! (١٩٤) އަޅަމެންގެ ވެރި ރަސްކަލާކޯއެވެ! އަދި އިބަރަސްކަލާނގެ ރަސޫލުންގެ ދޫފުޅުމަތިން އަޅަމެންނަށް ވަޢުދު ކުރައްވާފައިވާ ކަންތައް، އަޅަމެންނަށް ދެއްވާނދޭވެ! އަދި ޤިޔާމަތް ދުވަހުން އަޅަމެން ނިކަމެތި ނުކުރައްވާނދޭވެ! ހަމަކަށަވަރުން އިބަރަސްކަލާނގެއީ، ވަޢުދާ ޚިލާފުވެވޮޑިނުގަންނަވާ ރަސްކަލާނގެއެވެ.

Reference: ސޫރަތު އާލްޢިމްރާން 3:191-194