ﷲ ގެ ރަސޫލާ (ﷺ) މިފަދައިން ދުޢާކުރައްވައި އުޅުއްވިއެވެ.

اَللَّهُمَّ إِنِّي أَعُوْذُ بِكَ مِنَ الْعَجْزِ وَالْكَسَلِ وَالْجُبْنِ وَالْبُخْلِ وَالْهَرَمِ وَعَذَابِ الْقَبْرِ، اَللَّهُمَّ آتِ نَفْسِيْ تَقْوَاهَا وَزَكِّهَا أَنْتَ خَيْرُ مَنْ زَكَّاهَا أَنْتَ وَلِيُّهَا وَمَوْلَاهَا، اَللَّهُمَّ إِنِّي أَعُوْذُ بِكَ مِنْ عِلْمٍ لَا يَنْفَعُ وَمِنْ قَلْبٍ لَا يَخْشَعُ وَمِنْ نَفْسٍ لَا تَشْبَعُ وَمِنْ دَعْوَةٍ لَا يُسْتَجَابُ لَهَا

އޭ ﷲ! ނުކުޅެދުންތެރިކަމާއި، ކަންނެތްކަމާއި، ފިނޑިކަމާއި، ބަޚީލްކަމާއި، މުސްކުޅިވެ ގައިބާރުދެރަވުމާއި، ކަށްވަޅުގެ ޢަޛާބުން ރައްކާތެރިކޮށްދެއްވުންއެދި، އިބަރަސްކަލާނގެ ޙަޟްރަތުން މިއަޅާ ދަންނަވަމެވެ. އޭ ﷲ! މިއަޅާގެ ނަފްސަށް ތަޤްވާވެރިކަން ދެއްވާނދޭވެ! އަދި މިއަޅާގެ ނަފްސު ޠާހިރުކޮށްދެއްވާނދޭވެ! އެ ނަފްސު ޠާހިރުކޮށްދެއްވާ އެންމެހެޔޮ ފަރާތަކީ އިބަރަސްކަލާނގެއެވެ. އެ ނަފްސުގެ އެހީތެރިޔާ އަދި މައުލާއަކީވެސް އިބަރަސްކަލާނގެއެވެ. އޭ ﷲ! ފައިދާއެއް ނުކުރާ ޢިލްމުންނާއި، މަޑުމޮޅިކަމެއް ނުވާ ހިތަކުންނާއި، ފުދުންތެރިކަމެއް ނުވާ ނަފްސަކުންނާއި، އިޖާބަ ނުކުރެވޭނެ ދުޢާއަކުން ރައްކާތެރިކޮށްދެއްވުންއެދި އިބަރަސްކަލާނގެ ޙަޟްރަތުން މިއަޅާ ދަންނަވަމެވެ.

Reference: މުސްލިމް: ٢٧٢٢