ശഹ്‌ർ ബിൻ ഹൗശബ് (റ) പറഞ്ഞു: ഞാൻ ഉമ്മു സലമയോട് (റ) ചോദിച്ചു: 'വിശ്വാസികളുടെ മാതാവേ! അല്ലാഹുവിൻ്റെ റസൂൽ (സ) താങ്കളോടൊപ്പമുള്ളപ്പോൾ ഏറ്റവും കൂടുതൽ പ്രാർത്ഥിക്കാറുള്ള ദുആ ഏതായിരുന്നു?' അവർ പറഞ്ഞു: 'അവിടുന്ന് ഏറ്റവും കൂടുതൽ പ്രാർത്ഥിച്ച ദുആ ഇതായിരുന്നു:

يَا مُقَلِّبَ الْقُلُوبِ ثَبِّتْ قَلْبِي عَلَى دِيْنِكَ

യാ മുഖല്ലിബൽ ഖുലൂബ്, സബ്ബിത് ഖൽബീ അലാ ദീനിക്.

ഹൃദയങ്ങളെ തിരിച്ചുമറിക്കുന്നവനേ! എൻ്റെ ഹൃദയത്തെ നിൻ്റെ ദീനിൽ നീ ഉറപ്പിച്ചുനിർത്തേണമേ. അപ്പോൾ ഞാൻ (ഉമ്മു സലമ) ചോദിച്ചു: 'അല്ലാഹുവിൻ്റെ റസൂലേ (സ), അങ്ങ് എന്തുകൊണ്ടാണ് ഇത്രയധികം (മുകളിൽ പറഞ്ഞ ദുആ) പ്രാർത്ഥിക്കുന്നത്?' അവിടുന്ന് (സ) പറഞ്ഞു: 'ഉമ്മു സലമ! തീർച്ചയായും അല്ലാഹുവിൻ്റെ വിരലുകളിൽ രണ്ട് വിരലുകൾക്കിടയിലല്ലാതെ ഒരു മനുഷ്യൻ്റെയും ഹൃദയമില്ല. അവൻ ഉദ്ദേശിക്കുന്നവരെ അവൻ സ്ഥിരപ്പെടുത്തുന്നു, അവൻ ഉദ്ദേശിക്കുന്നവരെ അവൻ വ്യതിചലിപ്പിക്കുകയും ചെയ്യുന്നു.'

Reference: സ്വഹീഹ്. തിർമിദി: 3522