അബൂ മൂസാ അശ്അരി (റ) നിവേദനം: നബി (സ) ഈ ദുആ പ്രാർത്ഥിക്കാറുണ്ടായിരുന്നു:

اَللَّهُمَّ اغْفِرْ لِي خَطِيْئَتِيْ وَجَهْلِيْ وَإِسْرَافِي فِي أَمْرِيْ وَمَا أَنْتَ أَعْلَمُ بِهِ مِنِّي اَللَّهُمَّ اغْفِرْ لِي جِدِّيْ وَهَزَلِيْ وَخَطَئِيْ وَعَمْدِيْ وَكُلُّ ذَلِكَ عِنْدِيْ اَللَّهُمَ اغْفِرْ لِي مَا قَدَّمْتُ وَمَا أَخَّرْتُ وَمَا أَسْرَرْتُ وَمَا أَعْلَنْتُ وَمَا أَنْتَ أَعْلَمُ بِهِ مِنِّي أَنْتَ الْمُقَدِّمُ وَأَنْتَ الْمُؤَخِّرُ وَأَنْتَ عَلَى كُلِّ شَيْءٍ قَدِيْرٌ

അല്ലാഹുമ്മഗ്ഫിർ ലീ ഖത്വീഅതീ, വ ജഹ്‌ലീ, വ ഇസ്രാഫീ ഫീ അംരീ, വ മാ അൻത അഅ്ലമു ബിഹീ മിന്നീ. അല്ലാഹുമ്മഗ്ഫിർ ലീ ജിദ്ദീ വ ഹസലീ, വ ഖത്വഈ വ അംദീ, വ കുല്ലു ദാലിക ഇൻദീ. അല്ലാഹുമ്മഗ്ഫിർ ലീ മാ ഖദ്ദംതു വ മാ അഖ്ഖർതു, വ മാ അസ്‌റർതു, വ മാ അഅ്ലൻതു, വ മാ അൻത അഅ്ലമു ബിഹീ മിന്നീ. അൻതൽ മുഖദ്ദിമു, വ അൻതൽ മുഅഖ്ഖിറു, വ അൻത അലാ കുല്ലി ശൈഇൻ ഖദീർ.

അല്ലാഹുവേ, എൻ്റെ പാപങ്ങളും, എൻ്റെ അറിവില്ലായ്മയും, എൻ്റെ കാര്യങ്ങളിൽ ഞാൻ വരുത്തിയ അതിക്രമങ്ങളും എനിക്ക് നീ പൊറുത്തുതരേണമേ. എന്നെക്കാളും കൂടുതൽ ഈ കാര്യങ്ങളെക്കുറിച്ച് അറിയുന്നവൻ നീയാണല്ലോ. അല്ലാഹുവേ, ഞാൻ ഗൗരവമായി ചെയ്തതും തമാശയായി ചെയ്തതുമായ തെറ്റുകളും, ഞാൻ അബദ്ധത്തിൽ ചെയ്തതും മനഃപൂർവ്വം ചെയ്തതുമായ തെറ്റുകളും എനിക്ക് പൊറുത്തുതരേണമേ. ഇതെല്ലാം എന്നിൽ സംഭവിച്ചതാണ്. അല്ലാഹുവേ, ഞാൻ നേരത്തെ ചെയ്തതും പിന്നീട് ചെയ്തതുമായ പാപങ്ങൾ, ഞാൻ രഹസ്യമായി ചെയ്തതും പരസ്യമായി ചെയ്തതുമായ പാപങ്ങൾ എനിക്ക് പൊറുത്തുതരേണമേ, എന്നെക്കാളും കൂടുതലായി ഇവയെക്കുറിച്ച് അറിയുന്നവൻ നീയാണല്ലോ. നീയാണ് ആദ്യമുള്ളവനും അവസാനമുള്ളവനും (മുൻഗണന നൽകുന്നവനും പിന്തിക്കുന്നവനും), നീ എല്ലാ കാര്യങ്ങൾക്കും കഴിവുള്ളവനുമാകുന്നു.

Reference: മുസ്‌ലിം: 2719