ނަބިއްޔާ (ﷺ) ފަތިސް ނަމާދުގެ ސަލާމްދެއްވުމަށްފަހު ވިދާޅުވެއެވެ.

اَللَّهُمَّ إِنِّي أَسْأَلُكَ يَا اَللَّهُ بِأَنَّكَ الْوَاحِدُ الْأَحَدُ الصَّمَدُ الَّذِي لَمْ يَلِدْ وَلَمْ يُولَدْ وَلَمْ يَكُنْ لَّهُ كُفُوًا أَحَدٌ أَنْ تَغْفِرَ لِي ذُنُوْبِيْ، إِنَّكَ أَنْتَ الْغَفُورُ الرَّحِيمُ

އޭ ﷲ! ހަމަކަށަވަރުން މިއަޅާ އިބަރަސްކަލާނގެ ޙަޟްރަތުން އެދެމެވެ. އޭ ﷲ! ހަމަކަށަވަރުން އިބަރަސްކަލާނގެއީ އެއްކައުވަންތަ، ހަމައެކަނި އިލާހެވެ. އެއްވެސް ފަރާތަކަށް ބޭނުންވެވޮޑިގެންނުވާ، އެންމެހާ ތަކެތި އެފަރާތަކަށް ބޭނުންވެގެންވާ ރަސްކަލާނގެއެވެ. އެކަލާނގެއަށް ދަރިކަލަކު ލިބިވޮޑިގެންނުވެއެވެ. އަދި އެކަލާނގެ އުފެދިވޮޑިގެންވަނީވެސް އެހެންފަރާތަކުން ނޫނެވެ. އަދި އެކަލާނގެއާ އެއްފަދަވެގެންވާ ހަމަ އެކަކުވެސް ނުވެއެވެ. މިއަޅާގެ ފާފަތައް ފުއްސަވައިދެއްވާނދޭވެ! ހަމަކަށަވަރުން އިބަރަސްކަލާނގެއީ ގިނަގިނައިން ފާފަފުއްސަވާ ރަޙީމްވަންތަ ރަސްކަލާނގެއެވެ.

Reference: ޞަޙީޙް. އަން-ނަސާއީ: ١٣٠١