അല്ലാഹുവിൻ്റെ റസൂൽ (സ) ഒരാൾ ഇപ്രകാരം പറയുന്നത് കേട്ടു:

اَللَّهُمَّ إِنِّي أَسْأَلُكَ بِأَنِّي أَشْهَدُ أَنَّكَ أَّنْتَ اللَّهُ لَا إِلَهَ إِلَّا أَنْتَ الْأَحَدُ الصَّمَدُ اَلَّذِي لَمْ يَلِدْ وَلَمْ يُوْلَدْ وَلَمْ يَكُنْ لَّهُ كُفُوًا أَحَدٌ

അല്ലാഹുമ്മ ഇന്നീ അസ്‌അലുക ബിഅന്നീ അശ്ഹദു അന്നക അൻതല്ലാഹു ലാ ഇലാഹ ഇല്ലാ അൻതൽ അഹദുസ്സ്വമദുല്ലദീ ലം യലിദ് വ ലം യൂലദ് വ ലം യകുൻ ലഹൂ കുഫുവൻ അഹദ്.

അല്ലാഹുവേ, തീർച്ചയായും നീയാണ് അല്ലാഹു എന്ന് ഞാൻ സാക്ഷ്യം വഹിക്കുന്നു എന്നത് മുൻനിർത്തി ഞാൻ നിന്നോട് ചോദിക്കുന്നു. നീയല്ലാതെ ആരാധനയ്ക്ക് അർഹനായി മറ്റാരുമില്ല, ഏകനായ ദൈവം, സൃഷ്ടികളെ ആശ്രയിക്കാത്തവൻ (സ്വയം പര്യാപ്തനായവൻ), ആർക്കും ജന്മം നൽകാത്തവനും ജനിക്കാത്തവനും, അവന് തുല്യനായി ആരുമില്ല. അപ്പോൾ നബി (സ) പറഞ്ഞു: 'എൻ്റെ ആത്മാവ് ആരുടെ കയ്യിലാണോ അവനാണ് സത്യം! നീ അല്ലാഹുവിൻ്റെ ഏറ്റവും മഹത്തായ നാമം ഉപയോഗിച്ചാണ് പ്രാർത്ഥിച്ചത്, ഈ നാമം ഉപയോഗിച്ച് ചോദിച്ചാൽ അവൻ നൽകുന്നു, ഈ നാമം ഉപയോഗിച്ച് പ്രാർത്ഥിച്ചാൽ അവൻ ഉത്തരം നൽകുന്നു.'

Reference: സ്വഹീഹ്. അബൂ ദാവൂദ്: 1493