عبداللہ بن مسعود رضی اللہ عنہ سے روایت ہے کہ ہم نہیں جانتے تھے کہ ہم نماز میں بیٹھ کر کیا کہیں۔ رسول اللہ ﷺ کو (اللہ کی طرف سے) سکھایا گیا۔ پھر انہوں نے وہی حدیث بیان کی۔ پھر فرمایا: آپ ﷺ ہمیں کچھ اور کلمات بھی سکھاتے تھے، لیکن وہ تشہد کی طرح نہیں سکھاتے تھے:

رَبَّنَا أَصْلِحْ بَيْنَنَا، وَاهْدِنَا سَبِيلَ الْإِسْلَامِ، وَنَجِّنَا مِنَ الظُّلُمَاتِ إِلَى النُّورِ، وَاصْرِفْ عَنَّا الْفَوَاحِشَ مَا ظَهْرَ مِنْهَا وَمَا بَطَنَ، وَبَارِكْ لَنَا فِي أَسْمَاعِنَا وَأَبْصَارِنَا وَقُلُوبِنَا وَأَزْوَاجِنَا وَذُرِّيَّاتِنَا، وَتُبْ عَلَيْنَا إِنَّكَ أَنْتَ التَّوَّابُ الرَّحِيمُ، وَاجْعَلْنَا شَاكِرِينَ لِنِعْمَتِكَ، مُثْنِينَ بِهَا، قَائِلِينَ بِهَا، وَأَتْمِمْهَا عَلَيْنَا

اے ہمارے رب! ہمارے درمیان اصلاح فرما، اور ہمیں اسلام کی راہ پر چلا، اور ہمیں اندھیروں سے نکال کر روشنی کی طرف لا، اور ہم سے بے حیائیوں کو دور کر دے، چاہے وہ ظاہر ہوں یا چھپی ہوئی۔ اور ہمارے لیے ہمارے کانوں، ہماری آنکھوں، ہمارے دلوں، ہماری بیویوں اور ہماری اولاد میں برکت عطا فرما، اور ہماری توبہ قبول فرما، بیشک تو ہی توبہ قبول کرنے والا نہایت رحم والا ہے۔ اور ہمیں اپنی نعمتوں کا شکر گزار بنا، ان کی تعریف کرنے والا اور ان کا اقرار کرنے والا بنا، اور ہم پر اپنی نعمتیں پوری فرما۔

Reference: صحیح. صحیح ادب المفرد: ۶۳۰