لە عائیشەوە (ڕەزای خودای لێ بێت) دەگێڕێتەوە کە گوتی، گوێم لێبوو پێغەمبەر (ﷺ) لە نوێژەکەیدا دەیفەرموو:

اَللَّهُمَّ حَاسِبْنِيْ حِسَابًا يَسِيْرًا

ئەڵڵاهوممە حاسیبنی حیسابەی یَسیڕا

ئەی خودا! لێپرسینەوەیەکی ئاسانم لەگەڵ بکە. عائیشە (ڕەزای خودای لێ بێت) دەگێڕێتەوە: پێغەمبەری خودا (ﷺ) فەرمووی، "هیچ کەسێک نییە کە لێپرسینەوەی لەگەڵدا بکرێت لە ڕۆژی قیامەتدا، ئیللا لەناودەچێت (سزا دەدرێت)." منیش گوتم "ئەی پێغەمبەری خودا (ﷺ)! ئایا خودا نەیفەرمووە: 'ئەو کەسەی کە نامەی کردەوەکانی دەدرێتە دەستی ڕاستی، ئەوا بە دڵنیاییەوە لێپرسینەوەیەکی ئاسانی لەگەڵ دەکرێت؟' (٨٤:٧-٨) پێغەمبەری خودا (ﷺ) فەرمووی، "ئەو (ئایەتە) تەنها بە واتای پیشاندانی کردەوەکان دێت، بەڵام هەر کەسێک کە لێپرسینەوە لە (نامەی) کردەوەکانی بکرێت (بەوردی لێی بپێچرێتەوە) لە ڕۆژی قیامەتدا، ئەوا بێگومان سزا دەدرێت."

Reference: بوخاری: ٦٥٣٧