لە ئیبن عەباسەوە (ڕەزای خودای لێ بێت) بۆی گێڕدراوەتەوە کە گوتی: لەو ڕۆژەدا لە کاتێکدا موسڵمانێک بەدوای بێباوەڕێکدا ڕای دەکرد کە لە پێشیەوە دەڕۆیشت، لە سەرووی خۆیەوە گوێی لە دەنگی قەمچییەک و دەنگی سوارچاکێک بوو کە دەیگوت: بڕۆ پێشەوە، حەیزووم! [١] چاوێکی خستە سەر موشریکەکە کە (ئێستا) بەسەر پشتیدا کەوتبووە خوارەوە. کاتێک سەیری کرد (بە وردی بۆی دەرکەوت کە) شوێنەوارێک بەسەر لووتییەوە هەیە و دەموچاوی دڕابوو وەک ئەوەی قەمچی لێدرابێت، و بە ژەهرەکەی سەوز ببووەوە. پیاوێکی ئەنساری هات بۆ لای پێغەمبەری خودا (ﷺ) و ئەم (ڕووداوە)ی بۆ گێڕایەوە. فەرمووی: تۆ ڕاستت گوتووە. ئەمە یارمەتییەک بوو لە ئاسمانی سێیەمەوە. موسڵمانان لەو ڕۆژەدا (واتە ڕۆژی غەزای بەدر) حەفتا کەسیان کوشت و حەفتا کەسیان بە دیل گرت. [٢]

Reference: [١] ناوی ئەو ئەسپەی فریشتەکەی هەڵگرتبوو (وەرگێڕ) [٢] موسلیم: ١٧٦٣