ഇബ്നു അബ്ബാസ് (റ) നിവേദനം ചെയ്തു: അന്ന് ഒരു മുസ്‌ലിം തൻ്റെ മുന്നിൽ പോയിക്കൊണ്ടിരുന്ന ഒരു അവിശ്വാസിയെ പിന്തുടരുമ്പോൾ, അയാൾക്ക് മുകളിലൂടെ ചമ്മട്ടി വീശുന്ന ശബ്ദവും ഒരു കുതിരക്കാരൻ്റെ ശബ്ദവും അദ്ദേഹം കേട്ടു: 'മുന്നോട്ട് പോകൂ, ഹൈസൂം!' [൧] അദ്ദേഹം ആ ബഹുദൈവാരാധകനെ നോക്കിയപ്പോൾ അയാൾ മലർന്നടിച്ച് വീണുകിടക്കുകയായിരുന്നു. അദ്ദേഹം ആയാളെ സൂക്ഷിച്ചുനോക്കിയപ്പോൾ അയാളുടെ മൂക്കിൽ ഒരു പാടുണ്ടായിരുന്നു, ചമ്മട്ടികൊണ്ട് അടിയേറ്റതുപോലെ അയാളുടെ മുഖം കീറിയിരുന്നു, മാത്രമല്ല അതിൻ്റെ വിഷം കാരണം പച്ച നിറമായി മാറുകയും ചെയ്തിരുന്നു. ഒരു അൻസാരി അല്ലാഹുവിൻ്റെ റസൂലിൻ്റെ (സ) അടുത്ത് വന്ന് ഈ സംഭവം വിവരിച്ചു. നബി (സ) പറഞ്ഞു: 'നിങ്ങൾ പറഞ്ഞത് സത്യമാണ്. അത് മൂന്നാം ആകാശത്തിൽ നിന്നുള്ള സഹായമായിരുന്നു.' അന്ന് (ബദ്‌ർ യുദ്ധ ദിവസം) മുസ്‌ലിംകൾ എഴുപത് പേരെ കൊല്ലുകയും എഴുപത് പേരെ തടവുകാരായി പിടിക്കുകയും ചെയ്തു. [൨]

Reference: [൧] മലക്കിനെ വഹിക്കുന്ന കുതിരയുടെ പേര് (വിവർത്തകൻ) [൨] മുസ്ലിം: ൧൭൬൩