ഉബയ്യ് ഇബ്നു കഅ്ബ് (റ) പറഞ്ഞു: "ഞാൻ പറഞ്ഞു: 'അല്ലാഹുവിൻ്റെ റസൂലേ! തീർച്ചയായും ഞാൻ അങ്ങയുടെ മേൽ ധാരാളമായി സ്വലാത്ത് ചൊല്ലാറുണ്ട്. എൻ്റെ പ്രാർത്ഥനയുടെ എത്ര ഭാഗം ഞാൻ അങ്ങേക്കായി മാറ്റിവെക്കണം?' അദ്ദേഹം (സ) പറഞ്ഞു: 'നീ ഉദ്ദേശിക്കുന്നത്ര.' [അദ്ദേഹം പറഞ്ഞു:] ഞാൻ ചോദിച്ചു: 'നാലിലൊരു ഭാഗം?' അദ്ദേഹം (സ) പറഞ്ഞു: 'നീ ഉദ്ദേശിക്കുന്നത്ര. എന്നാൽ നീ അത് വർദ്ധിപ്പിക്കുകയാണെങ്കിൽ അത് നിനക്ക് കൂടുതൽ ഉത്തമമായിരിക്കും.' ഞാൻ ചോദിച്ചു: 'എങ്കിൽ പകുതി?' അദ്ദേഹം (സ) പറഞ്ഞു: 'നീ ഉദ്ദേശിക്കുന്നത്ര. എന്നാൽ നീ അത് വർദ്ധിപ്പിക്കുകയാണെങ്കിൽ അത് [നിനക്ക്] കൂടുതൽ ഉത്തമമായിരിക്കും.' [അദ്ദേഹം പറഞ്ഞു:] ഞാൻ ചോദിച്ചു: 'എങ്കിൽ മൂന്നിൽ രണ്ട് ഭാഗം?' അദ്ദേഹം (സ) പറഞ്ഞു: 'നീ ഉദ്ദേശിക്കുന്നത്ര, എന്നാൽ നീ അത് വർദ്ധിപ്പിക്കുകയാണെങ്കിൽ അത് നിനക്ക് കൂടുതൽ ഉത്തമമായിരിക്കും.' ഞാൻ ചോദിച്ചു: 'ഞാൻ എൻ്റെ പ്രാർത്ഥനകൾ മുഴുവനായും അങ്ങേക്കായി മാറ്റിവെക്കട്ടെയോ?' അദ്ദേഹം (സ) പറഞ്ഞു: 'എങ്കിൽ നിൻ്റെ പ്രശ്നങ്ങൾക്ക് പരിഹാരമാവുകയും നിൻ്റെ പാപങ്ങൾ പൊറുക്കപ്പെടുകയും ചെയ്യും.' പ്രവാചകൻ്റെ മേൽ സ്വലാത്തുകൾ വർദ്ധിപ്പിക്കാൻ ഈ ഹദീസ് നമ്മോട് പറയുന്നു. ഖുർആനിൽ നിന്നും സുന്നത്തിൽ നിന്നും ആധികാരികമായി തെളിയിക്കപ്പെട്ട പ്രാർത്ഥനകൾ മാത്രമാണ് ഇക്കാര്യത്തിൽ ചൊല്ലേണ്ടത്.

Reference: സ്വഹീഹ് (അൽബാനി). തിർമിദി: ൨൪൫൭