ޞަފާ ފަރުބަދަ މައްޗަށް އަރައި ބައިތުﷲ އަށް ކުރިމަތިލައި ﷲ ގެ އެއްކައުވަންތަކަމާއި ބޮޑުކަމާއި ޙަމްދު ބަޔާންކޮށް މިފަދައިން ކިޔާށެވެ:

لَا إِلَهَ إِلَّا اللَّهُ‏ وَحْدَهُ ‏لَا شَرِيْكَ لَهُ‏، لَهُ الْمُلْكُ وَلَهُ الْحَمْدُ يُحْيِي وَيُمِيْتُ وَهَوُ عَلَى كُلِّ شَيْءٍ قَدِيْرٌ، لَا إِلَهَ إِلَّا اَللَّهُ وَحْدَهُ لَا شَرِيْكَ لَهُ، أَنْجَزَ وَعْدَهُ، وَنَصَرَ عَبْدَهُ، وَهَزَمَ الْأَحْزَابَ وَحْدَةُ.

ﷲ ފިޔަވައި ޙައްޤުވެގެން އަޅުކަމެއް ވެވޭ އިލާހަކު ނުވެއެވެ. އެކަލާނގެ އެއްކައުވަންތައެވެ. އެކަލާނގެއަށް ބައިވެރިޔަކު ނުވެއެވެ. ވެރިކަންވަނީ އެކަލާނގެއަށެވެ. އަދި ޙަމްދުހުރީ އެކަލާނގެއަށެވެ. ދިރުއްވަނީވެސް އަދި މަރުގަންނަވަނީވެސް އެކަލާނގެއެވެ. އަދި އެކަލާނގެއީ ކޮންމެ ކަމެއްގެ މައްޗަށް ކުޅަދުންވަންތަ ރަސްކަލާނގެއެވެ. ﷲ ފިޔަވައި ޙައްޤުވެގެން އަޅުކަމެއް ވެވޭ އިލާހަކު ނުވެއެވެ. އެކަލާނގެ އެއްކައުވަންތައެވެ. އެކަލާނގެއަށް ބައިވެރިޔަކު ނުވެއެވެ. އެކަލާނގެ ވަޢުދުފުޅު ފުއްދަވައިދެއްވައިފިއެވެ. އަދި އެކަލާނގެ އަޅާއަށް ނަޞްރުދެއްވައިފިއެވެ. އަދި ގުޅިފައިވާ ލަޝްކަރުތައް އެކަނިމާއެކަނި ބަލިކުރައްވައިފިއެވެ.

Reference: ޞަޙީޙް. އިބްނު މާޖާ: ٢٥١٢